BAPHUME NGESAMAGUNDANE ABAFUNDI KUSHA ITEKISI

BAPHUME ngesamagundane abafundi besikole ababili nomshayeli ngesikhathi kusha itekisi ebebehamba ngayo, eVosloorus esifundazweni iGauteng namuhla.

Itekisi ishe yagqongqa, inabafundi, okukhona kubo oneminyaka engu 6 nonengu 10 ubudala, baphume bengena yomcu. Kuvela ukuthi kusize abezimo eziphuthumayo ukucisha umlilo. 

Kusolakala ukuthi umlilo uqale enjinini yemoto. Amaphoyisa asaphenya mayelana nembangela yalesi sigameko.