BAGWETSHWE ODILIKAJELE NEMINYAKA ENGU-90 NGOKUBULALA UNKOSIKAZI KASOMATEKISI
LINDOKUHLE NGCOBO
IBAGIXABAZE ngodilikajele ababili, inkantolo ephakame yaseMgungundlovu ngoMsombuluko, abesilisa ababili abatholakale benecala lokuzama ukubulala usomatekisi nolokubulala unkosikazi wakhe(usomatekisi).
UZakhele Bhobho Nkosi(35) noSimphokuhle Ayanda Mathe (30) bagwetshwe odilikajele ababili neminyaka engu-90 bebhadla ejele.
Okhulumela amaphoyisa KwaZulu-Natal uConstable Zabathembu Mthembu uthi ngomhlaka 13 March 2021 uNkosi noMathe bagasela emzini kasomatekisi Emakholweni, KwaNongoma
"Bafike(Nkosi noMathe) bamufuna usomatekisi bemubona efika.
Usomatekisi wabe esebaleka waphuma emnyango ongemuva kwendlu. Abamangalelwa bapequlula umuzi nokuyilapho bahamba nesamba semali esingadululwanga nokwaholela ekutheni badubule babulale unkosikazi kasomatekisi," kuchaza uConstable Mthembu.
Eqhuba uveze ukuthi mhlaka 17 December 2021, usomatekisi wasinda ngokulambisa mhla edutshulwa ngoyaba lwezinhlamvu ngesikhathi efika emzini wakhe.
Nokuyilapho uphenyo lweProvincial Taxi Violence Unit laholela ekutheni kuboshwe uNkosi owayegibeli etekisi yasoLundi. Watholakala nesibhamu esingekho emthethweni nezinhlamvu ezingu-15.
"Nakube inombolo yesibhamu yabe isisusiwe kodwa ukuhlolwa kwesibhamu kwaveza ukuthi lesi sibhamu santshontshwa ephoyiseni elisebenza Olundi Public Order Police. Leli phoyisa lafelwa imoto libuyela emsebenzi emgwaqeni uR66 ngesikhathi abasolwa ababehamba ngetekisi belihlasela," kubeka uMthembu.
Echaza kabanzi uMthembu udalule ukuthi uphenyo labakwasidlodlo luholela ekutheni kuboshwe uMathe, owabanjwa nesibhamu esingekho emthethweni, uphenyo lwaseyamanisa necala lokubulala nelokuzama ukubulala okwenzeka Emakholweni.
"Abaseshi benze izethulo zabo ngaleli cala okuholela ekutheni inkantolo ithi, uNkosi akayogugula ejele, yamnika iminyaka engu-20 yokubamba inkunzi ehlomile, iminyaka engu-20 lokubamba inkunzi iphoyisa ehlomile kanye neminyaka engu-15 ngokutholakala nesibhamu esingekho emthethweni nemihlanu yokutholakala nezinhlamvu. Umlingani wakhe(uMathe) inkantolo imgwebe udilikajele ngecala lokubulala, iminyaka engu-15 ngecala lokubamba inkunzi ehlomile nenye engu-15 yokuzama ukubulala usomatekisi," kubeka uMthembu.
IBAGIXABAZE ngodilikajele ababili, inkantolo ephakame yaseMgungundlovu ngoMsombuluko, abesilisa ababili abatholakale benecala lokuzama ukubulala usomatekisi nolokubulala unkosikazi wakhe(usomatekisi).
UZakhele Bhobho Nkosi(35) noSimphokuhle Ayanda Mathe (30) bagwetshwe odilikajele ababili neminyaka engu-90 bebhadla ejele.
Okhulumela amaphoyisa KwaZulu-Natal uConstable Zabathembu Mthembu uthi ngomhlaka 13 March 2021 uNkosi noMathe bagasela emzini kasomatekisi Emakholweni, KwaNongoma
"Bafike(Nkosi noMathe) bamufuna usomatekisi bemubona efika.
Usomatekisi wabe esebaleka waphuma emnyango ongemuva kwendlu. Abamangalelwa bapequlula umuzi nokuyilapho bahamba nesamba semali esingadululwanga nokwaholela ekutheni badubule babulale unkosikazi kasomatekisi," kuchaza uConstable Mthembu.
Eqhuba uveze ukuthi mhlaka 17 December 2021, usomatekisi wasinda ngokulambisa mhla edutshulwa ngoyaba lwezinhlamvu ngesikhathi efika emzini wakhe.
Nokuyilapho uphenyo lweProvincial Taxi Violence Unit laholela ekutheni kuboshwe uNkosi owayegibeli etekisi yasoLundi. Watholakala nesibhamu esingekho emthethweni nezinhlamvu ezingu-15.
"Nakube inombolo yesibhamu yabe isisusiwe kodwa ukuhlolwa kwesibhamu kwaveza ukuthi lesi sibhamu santshontshwa ephoyiseni elisebenza Olundi Public Order Police. Leli phoyisa lafelwa imoto libuyela emsebenzi emgwaqeni uR66 ngesikhathi abasolwa ababehamba ngetekisi belihlasela," kubeka uMthembu.
Echaza kabanzi uMthembu udalule ukuthi uphenyo labakwasidlodlo luholela ekutheni kuboshwe uMathe, owabanjwa nesibhamu esingekho emthethweni, uphenyo lwaseyamanisa necala lokubulala nelokuzama ukubulala okwenzeka Emakholweni.
"Abaseshi benze izethulo zabo ngaleli cala okuholela ekutheni inkantolo ithi, uNkosi akayogugula ejele, yamnika iminyaka engu-20 yokubamba inkunzi ehlomile, iminyaka engu-20 lokubamba inkunzi iphoyisa ehlomile kanye neminyaka engu-15 ngokutholakala nesibhamu esingekho emthethweni nemihlanu yokutholakala nezinhlamvu. Umlingani wakhe(uMathe) inkantolo imgwebe udilikajele ngecala lokubulala, iminyaka engu-15 ngecala lokubamba inkunzi ehlomile nenye engu-15 yokuzama ukubulala usomatekisi," kubeka uMthembu.