BAFIHLWE NGESIZOTHA ABASHONE KU-R66

LINDOKUHLE NGCOBO 

BANGCWATSHWE ngesizotha namuhla eMjibha Sports Fields, Olundi  abane abashone engozini enyantisa igazi eyenzeke kuR66, eGingindlovu. 

Izindleko zalo mngcwabo zithwale uMnyango wezokuThutha KwaZulu-Natal, oholwa uNgqongqoshe uMnuz Siboniso Duma.  

Umndeni wakwaNtombela ufihle amalungu omndeni wawo uNksz Makhosi Ntombela(60), uNksz Thuli Dlamini,  Sipho Zungu (6) no-Abenathi Ntombela obenezinyanga ezingu-9.

UMnuz Kaserol Michael ongomunye wabadlula emhlabeni kule ngozi uzofihlwa ngolunye usuku.

Laba badlule emhlabeni ngesikhathi imoto iHyundai Grand i10 ebebehamba ngayo ishayiswa iveni iFord Ranger LDV.