BABOSHWE BESATHANDAZA ABASOLWA ABAHLANU
Lindokuhle Ngcobo
BAKHALELWE ngamasongo kasigonyela besathandaza endaweni yesigameko abesilisa abangu 5, abasolwa ngokubulala ngesihluku abesifazane ababili endaweni yaseNamibia Square, eManguang esifundazweni iFree State izolo.
Kuvela ukuthi ngesikhathi kubonakala izidumbu zabagilwa, umphakathi ube usunquma ukuya endaweni yesigameko ngenhloso yokuyothandaza. Nokuthe kusaqhubeka umthandazo, kwabonakala owesilisa ethwebula obekwenzeka endaweni. Umphakathi udinwe isenzo salo wesilisa, wabuza ukuthi uthwebule lani.
Lokhu kuholela ekutheni umphakathi uyobheka isigameko sokubulawa kwalaba besifazane kwiCCTV yakwamakhelwani. Nokuyilapho kubonakala itekisi yohlobo lweToyota Quantum emhlophe, ithatha laba besifazane.
Umphakathi awubanga usananaza, wabiza abakwasidlodlo. Amaphoyisa abe esenikela endaweni yesigameko, athole itekisi yabasolwa. Ngesikhathi abomthetho besesha itekisi, bathole isibhamu esincane esingekho emthethweni, nezinhlamvu ezingu 6.
"Abasolwa ababoshiwe babhekene necala lokubulala amabili nokutholakala nesibhamu esingekho emthethweni. Kulindeleke ukuthi abasolwa bavele eNkantolo yeMantshi eBloemfontein maduze," ngokusho kwesitatimendi samaphoyisa.
BAKHALELWE ngamasongo kasigonyela besathandaza endaweni yesigameko abesilisa abangu 5, abasolwa ngokubulala ngesihluku abesifazane ababili endaweni yaseNamibia Square, eManguang esifundazweni iFree State izolo.
Kuvela ukuthi ngesikhathi kubonakala izidumbu zabagilwa, umphakathi ube usunquma ukuya endaweni yesigameko ngenhloso yokuyothandaza. Nokuthe kusaqhubeka umthandazo, kwabonakala owesilisa ethwebula obekwenzeka endaweni. Umphakathi udinwe isenzo salo wesilisa, wabuza ukuthi uthwebule lani.
Lokhu kuholela ekutheni umphakathi uyobheka isigameko sokubulawa kwalaba besifazane kwiCCTV yakwamakhelwani. Nokuyilapho kubonakala itekisi yohlobo lweToyota Quantum emhlophe, ithatha laba besifazane.
Umphakathi awubanga usananaza, wabiza abakwasidlodlo. Amaphoyisa abe esenikela endaweni yesigameko, athole itekisi yabasolwa. Ngesikhathi abomthetho besesha itekisi, bathole isibhamu esincane esingekho emthethweni, nezinhlamvu ezingu 6.
"Abasolwa ababoshiwe babhekene necala lokubulala amabili nokutholakala nesibhamu esingekho emthethweni. Kulindeleke ukuthi abasolwa bavele eNkantolo yeMantshi eBloemfontein maduze," ngokusho kwesitatimendi samaphoyisa.