AQALILE UKUDAYISA AMATHIKITHI AMA-CROWN GOSPEL MUSIC AWARDS
SIZO BLOSE
Kuphelile ukuqagela ngendumezulu yomcimbi oba minyaka yonke, amaCrown Gospel Music Awards.
Abahleli balo mcimbi sebekuqinisekisile ukuthi awakulonyaka ngeke asaba seGoli kodwa abuyela KwaZulu Natal, eDurban ICC. Kanti ama tickets aseyatholakala, lomcimbi uzokuba ngo 23 November 2025.
UPastor Sthembiso Mtshali okhulumela lomcimbi uthe, konke sekumi ngomumo, abantu abaphuthume bathenge amathikithi angaze aphele njengoba ehamba ngesivinini ecomputickets.
"Sinxusa abathandi bomculo ukuthi bangacabangi kabili, abaye kothenga amatickets. Nakulonyaka kuzoba mnandi kakhulu, kuzoba neRed Carpet eqala ngo-16.00 ntambama lapho abantu bezozibonela osaziwayo babo, bakwazi nokuthatha izithombe nabo. Kuzothi ngo 7 umcimbi omkhulu uqale," kuchaza uSthembiso, othe osaziwayo bazokube bebuzwa e-ICC ngeSonto mhlaka 23 November.
Uphinde waveza ukuthi nakulonyaka bazoqhubeka nokukhumbula umsunguli walemiklomelo odlule emhlabeni ngonyaka owedlule uZanele Mbokazi.
Baningi abaculi bomculo wokholo aseke baziwinela izindondo kuma Crown, okungabalwa uSfiso Ncwane, Dumi Mkokstad, Andile Majola, Thobekile Mkhwanazi, Hlengiwe Mhlaba nabanye abaningi.
USthembiso uthe kuqopheke umlando njengoba kushaye lesi sikhathi abangenele sebengu 890, abazoqhudelana ngezindebe.
Kuphelile ukuqagela ngendumezulu yomcimbi oba minyaka yonke, amaCrown Gospel Music Awards.
Abahleli balo mcimbi sebekuqinisekisile ukuthi awakulonyaka ngeke asaba seGoli kodwa abuyela KwaZulu Natal, eDurban ICC. Kanti ama tickets aseyatholakala, lomcimbi uzokuba ngo 23 November 2025.
UPastor Sthembiso Mtshali okhulumela lomcimbi uthe, konke sekumi ngomumo, abantu abaphuthume bathenge amathikithi angaze aphele njengoba ehamba ngesivinini ecomputickets.
"Sinxusa abathandi bomculo ukuthi bangacabangi kabili, abaye kothenga amatickets. Nakulonyaka kuzoba mnandi kakhulu, kuzoba neRed Carpet eqala ngo-16.00 ntambama lapho abantu bezozibonela osaziwayo babo, bakwazi nokuthatha izithombe nabo. Kuzothi ngo 7 umcimbi omkhulu uqale," kuchaza uSthembiso, othe osaziwayo bazokube bebuzwa e-ICC ngeSonto mhlaka 23 November.
Uphinde waveza ukuthi nakulonyaka bazoqhubeka nokukhumbula umsunguli walemiklomelo odlule emhlabeni ngonyaka owedlule uZanele Mbokazi.
Baningi abaculi bomculo wokholo aseke baziwinela izindondo kuma Crown, okungabalwa uSfiso Ncwane, Dumi Mkokstad, Andile Majola, Thobekile Mkhwanazi, Hlengiwe Mhlaba nabanye abaningi.
USthembiso uthe kuqopheke umlando njengoba kushaye lesi sikhathi abangenele sebengu 890, abazoqhudelana ngezindebe.