AMACIKO NOMCIMBI WEZINDONDO

UTHEMBISA amaciko aKwaZulu-Natal(KZN) umcimbi wemiklomelo yezindondo uNgqongqoshe wezeMidlalo ezobuCiko namaSiko,  eKZN uMnuz Mntomuhle Khawula.

UKhawula uveze lokhu ngesikhathi ekhuluma emcimbini wokwethula ngokusemthethweni umcimbi wezindondo iKZN Sport Awards 2026, eKingsmead Stadium, eThekwini, namuhla. 

"Bengifuna ukuthi lo mcimbi ubhanqe amaciko nabasemkhakheni wezemidlalo, nokho ithimba lami elihlelayo lihlulekile ukwenza lokho. Angifuni amaciko asale emuva, ngiyathembisa ngonyaka ozayo sizokwenza uhlelo lokuthi amaciko abeyingxenye yalo mcimbi wezindondo," kubeka uKhawula.

Umcimbi iKZN Sport Awards, uzobanjelwa e-Inkosi Albert Luthuli International Convention Centre, eThekwini mhlaka 18 April 2026.