AKUSEKHO UKUBUYELA EMUVA NGE-BEACH FEST

UMSAKAZO owenza inzuzo iGagasi FM, usumemezele ngokusemthethweni izinhlelo zomcimbi 
 iBeach Fest.

Kulo nyaka lo mcimbi uzobe ubungaza iminyaka engu-12, ngoMgqibelo mhlaka 6 December 2025, eMoses Mabhida People's Park, eThekwini. 

Ngokusho kukaMinenhle Dlamini onguMphathisi weGagasi FM uthi, lo mcimbi owokubungaza indawo yaseThekwini nabahlali bakhona. 

"Unyaka nonyaka sihlose ukukhuphula izinga ngokuqhamuka nokwehlukile. Nakulo nyaka senze lokho njengoba sizobe sibophele abaculi abasezingeni eliphezulu, sisingethe nabalandeli bethu abathembekile kithi. Siyazi ukuthi kuzoba umcimbi esingeke siphinde siwukhohlwe noma sewudlulile," kubeka uMinenhle.

Abaculi abazonandisa kwi Beach Fest ilaba: Oscar Mbo, Morda Bongz, Jazzwrld & Thukuthela, Mawhoo, DJ Maphorisa, Nasty C, K.O, Trompies, Mdu Masilela, Gold Max, Zakwe & Duncan, BeastRSA, Dumi Mkokstad, DJ Tira, Dladla Mshuqisi, Sizwe Mdlalose noMgilane. Abathandi bomculo bazophinde bajatshuliswe oDJ beGagasi FM okubalwa kubo uSphectacular & DJ Naves noDJ Happygal. Uhlelo luzoshayelwa abasakazi besteshi esihlele lo mcimbi okukhona kubo: uFelix Hlophe, Minnie Ntuli, Selbeyonce, Khaya Mthethwa, DJ Sonic, Nkulee Mbatha, Sizwe Sibisi, Lusanda Mnqayi, Collen Zondo, Lwandle Masoka, Khulekani Mbambo, Mkay-Music noSphokuhle.

Njengamanje amathikithi eBeach Fest adayisa eTicketPro, Pick n' Pay naseSpar ngenani  lika-R350. Kusukela ngomhlaka 1 November 2025, inani lamathikithi lizokhuphuka libe ngu-R380. Amathikithi ezicukuthwana abiza inani lika R1000.