AKAKATHOLAKALI OPHONSEKE NENDIZA OLWANDLE

LINDOKUHLE NGCOBO 

KULINDELEKE ukuthi  amaphoyisa aqhubeke kusasa ekuseni, ukuthungatha umshayeli  wendiza enophephela emhlane ephonseke olwandle eThekwini, namuhla. 

Kuvela ukuthi lo mshayeli ubekhombisa ngekhono lokundiza ngebhanoyi emoyeni  ngesikhathi ehlelwa ilo mshophi. 

 Okhulumela amaphoyisa KwaZulu-Natal uColonel Robert Netshiunda uqinisekise ukuthi okwanamuhla seluphothuliwe uphenyo lokubheka lo umshayeli, waveza ukuthi luzoqhubeka kusasa. 

"Okwamanje amaphoyisa ngokusebenzisana nabezimo eziphuthumayo basathole amaphathi endiza," echaza

Kuso lesi sigameko idolobha iTheku liveze ukuthi lithathe isinqumo sokuvala lolu lwandle okwehle kulo le nhlekelele kuze kube kutholakala lo mshayeli.