ZIBHADLE EMGWAQENI IZISULU ZEZIKHUKHULA ETHEKWINI

LINDOKUHLE NGCOBO

SEZIPHENDUKE ondinga sithebeni izisulu zezikhukhula zaseThekwini. Kulandela ukuxoshwa eBayside Hotel esenkabeni yeTheku ngenxa yesikweletu izolo. 

Imindeni engu-1200 yasala dengwana ngemuva kwezikhukhula ezihlasele eThekwini kulo nyaka. 

UNgqongqoshe wezokuThutha nokuHlaliswa kwaBantu KwaZulu-Natal(KZN) uMnuz Siboniso Duma uthi uMnyango awuholayo ngokubambisana neTheku bacele izisulu ukuba ziyiswe eChesterville Community Hall okwesikhashana. 

"Kuyishwa ukuthi kukhona abanqabayo ukuya eChesterville sisazama ukulungisa inkokhelo yaseHotel. Isikhokhiwe imali engango R185 million kuleli hotel lokuhlala abahlali abaziphekelayo. Sidinga imali engu-128 million ukukhokhela imindeni engu-1200," kubeka uDuma. 

Ephetha udalule ukuthi uMnyango uzophinde ukhulumisane nabahlali ukuthi bayeChesterville.